اللي يبيعك في الزمن عيب تشريه

اللي يبيعك في الزمن عيب تشريه

ان شاء الله تحوز على رضاكم
اللي يبيعك في الزمن ليه تشريه؟؟؟بيعه برخص بسوق بايع وشاري
واذا جفاك اللي تعزه وتغليه؟؟؟محبته عليك ما هي جباري
لا تلتفت يمه ولا عاد تطريه؟؟زله وكنك عنه ما انته بداري
خله يزل وينقلع وش تبي فيه؟؟؟ما دام قلبه من صفاء الود عاري
لو كان في كل المواقف مصافيه؟؟؟ما انته محصل منه غير المزاري
وليا احترمته طلع اللي مخفيه؟؟؟قال احتقرته واحترمني جباري
مسكين ماهو عارف اللي يسويه؟؟؟انه ما خلى له قدر واعتباري
الوم نفسي يوم بالهرج اجاريه؟؟؟بعد عرفت انه كلامه تجاري
وليا درى انك في كلامه تجازيه؟؟؟قدم كلام الطيب والاعتذاري
حسب الكلام اللي من الناس نوحيه؟؟؟ان الضعيف يحط عشرين طاري
وبعد التجارب في زمان نقاسيه؟؟؟قررت ما يأتي بكل اختياري
اللي يبعك في الزمن عيب تشريه؟؟؟بيعه برخص بسوق بايع وشاري
وليا جفاك اللي تعزه وتغليه؟؟؟محبته عليك ماهي جباري
صحيح صعبه فاقد الشي يعطيه؟؟؟وسهل الوفاء للي على الطيب ضاري