هذوله احنا..
هذوله احنا المشينا
والجدم حافي ...
حملنا الروح بالكف و انتخينا..
ما تهمنا الريح و السافي..
نواطير الوطن إحنا
و لو جتْ عَ الوطنْ محنةْ
ترانا احنا النقوم ابساع نستافي
*
هذوله احنا
خبز تنور للميدات تثردنا
ذبايح للنزيل المشتهي يرتاد ماردنا
نطايح لليناطحْ ..
يجي مثل البرق ردنا
نردّ العايل
و نجدع خشم ضدنا
*
هذوله احنا
نخل واجفْ
على حدود الوطن
لي أظلمتْ و اتكلَّط الحايفْ
خناجرنا اتّلامع بالدجى
اتونّس الخايفْ
*
هذوله احنا
ندهْ برنو ..
إذا غصّ التفكْ
و الحوم انتشر بالجو...
نعدّلها إذا مالتْ
و لا نرجعْ
إذا كلّ الخلق هجَّوا
*
هذوله احنا العدينا الحدْ
مشينا جدْ ..
على صيحةْ وطنْ
يوم الوطن صاح
و " الجمع " ما ردْ
***
الرئيسية 
أحدث الصور 
التسجيل 
دخول 
الأحد مارس 20, 2011 9:23 am
